ش | ی | د | س | چ | پ | ج |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 |
اینسان توپلوملاشدیغی چاغلاردان، بیرئیلرین آرالاریندا آلیب-وئرمهلر اولوب. ایلک آلیب-وئرمهلر بیربیرلرینی قوروماغی اوچون اولسا دا، توپلوملار بؤیودوکجه آلیب وئرمهلر پایاپای اولوب. بیر نسنهپای وئریلیب، قارشیلیغیندا باشقا نسنه پای آلینیب. کئچینهجکلر اؤدهنیبلر. سونرالار پول یارانیب. بیر اؤلچو قویولوب. نسنهلر اؤلچو ایله دیرلندیریلیبلر. دیرلری قارشیلیغیندا اؤلچو اولان نسنهدن(سیککه؛ بیرینجیلری گوموش، قیزیل اولوب، سونرالار پاخیر و باشقالاری اولوب) وئریلیب. یاواش-یاواش السیز-آیاقسیزلار ایش تاپانمادیقدا، قارینلارینی دویورماق اوچون بیرلریندن بورج آلیبلار. بورجآلماغین یارانیش زامانی بیلمیرم. آمما بورج وئرنلرین، یاخشی گلیرلری اولدوقلاری اوچون، بورج آلیب-وئرمهنی یئرینه سالیبلار.
بورج قاییتلی اولدوقدا، اؤدهمهلر قاچیلماز اولوبلار. بورج آلانلار بورجدان قورتولماق اوچون، جان آتمالی اولوبلار، اؤدهمهدیکده ده، وارلاری وارسا الدن وئریبلر، اولمادیقدا دا آلاه بیلیر باشلارینا گلدیکلری. عؤمورلرینین سونونا دک، بورجلولوقدان قورتولانماییبلار. بورالاردا اونا دئییرلر؛ نوزول. نوزول آدامی توکندیرمک دئمک دیر. بورجو وئرنلرسه، بورجلاردان بورج سالدیریبلار.
آمما ایندیلیکده، بیر چوخلاری، وام آلیرلار. بیر جور بورج دیر. بیر آز اوزون سورور. اوزون دئدیکده عؤموربویو سورور. بیری قورتولور باشقاسی. آلماسا دا بیر ایش گؤره بیلمیر. ایشگؤرمک دئدیکده اوتوراجاق یئری تاپماق دیر. یوخسا ایش باشارسایدی، بورج وئرردی بورج آلمازدی.
من ده ایش گؤردویوم اوچون، بورج آلماق یئرینه بورج وئرهرم. الیمده بیر قاییت اولمادیغینا گؤره، آلانمارام. آمما یاخشیسی بوردادیر، بیرلرینی اؤزومه بورجلو بیلیرم، اؤزومو باشقارینا بورجلو بیلمیرم!!!
Blogivi chox soydum... ama insafi okhumaghi chox chatin olur.
فرناز خانیم سئودییین اوچون چوخ ساغ اول. اوخوماغا گلدیکده هاراسی چتیندیر یا دا اوخویانمیرسیز، بیرلیکده اوخویا بیلریک. سیز چتین یئرلرینی یازین من اچیقلاییم. یاشایین
okhiya buluram hammisin... faghat chatinligi olur biraz... :) __ gina saghol ___
chox gozal yazisan :)
یاشا، ساغ اولون.